Klasa X dhe XI

1. Regjistrimi në klasën e dhjetë bëhet në dy javët e para të muajit korrik, nëpërmjet sistemit e-albania, nga personi që ushtron përgjegjësinë prindërore. (Rregullore për funksionimin e IAP, 28.01.2020, neni 12)

2. Nxënësit regjistrohen në klasën e dhjetë sipas zonës së gjimnazit sipas planifikimit paraprak të ZVA. Në rast se zona e gjimnazit nuk siguron numrin e nevojshëm të nxënësve, shkolla mund regjistrojë nxënësit e interesuar nga zonat e tjera. Nëse numri i nxënësve të interesuar është më i madh se numri i nevojshëm, atëherë përzgjedhja e nxënësve bëhet sipas mesatares vjetore të tyre. (Rregullore për funksionimin e IAP, 28.01.2020, neni 12)

3. Regjistrimi në klasën e dhjetë bëhet online, me këto dokumente:

   1. Dëftesa e lirimit
   2. Certifikata e lindjes

4. Nxënësit e klasave të ndërmjetme regjistrohen online, me kërkesën e prindit për transferim, mbi bazën e vërtetimit me notat e të gjitha klasave paraardhëse.

5. Ndërrimi i gjimnazit gjatë vitit shkollor lejohet vetë në raste të veçanta, me miratimin e ZVA, duke respektuar kriterin e gjuhës së huaj të parë me zgjedhje.